Xoland haqiqatan zo‘r ekan!

“Manchester Siti” hujumchisi Erling Xoland beshinchi turda “Notingem Forest” darvozasini uch marotaba ishg‘ol qildi.

E’tiborli jihati, 21 yoshli futbolchi bu natijaga birinchi bo‘limning o‘zida erishdi.

Norvegiyalik to‘purar shu tariqa Angliya premer ligasida ketma-ket ikkita uchrashuvda xet-trikka erishgan ettinchi futbolchi sifatida tarixga kirdi.

Erling Xolandga qadar Angliya chempionati Les Ferdinand, Ian Rayt, Terri Anri, Dide Drogba, Ueyn Runi va Harri Keyn ketma-ket ikki marta uchtadan to‘p kiritishga erishgan xolos.