Холанд жаҳон чемпионини ҳайратга солди

“Манчестер Сити” ҳужумчиси Хулиан Альварес Қатарда ўтказилган жаҳон чемпионати қаҳрамонларидан ҳисобланади.

22 ёшли футболчи Аргентина терма жамоаси сафида еттита учрашувда тўртта гол ва битта ассист муаллифи бўлиб, жамоасининг жаҳон чемпиони бўлишига муносиб ҳисса қўшди.

Альварес “Сити”даги жамоадоши Эрлинг Холанддан ҳайратланишини айтди.

- Холанд нафақат зўр футболчи, балки ажойиб инсон ҳамдир. У доим менга ёрдам беришга интилади.

Эрлинг ҳозирги жамоамизда ҳам, аввалги клубларида ҳам юқори савияли ҳужумчи эканини исботлаб бўлган. Лекин унинг менталитети мени ҳайратга солади. У ҳар куни кўнроғини истайди.

Энг зўр футболчилар билан бир жамоада ўйнаш жуда фойдали. Мен Холанддан кўпроқ нарсаларни ўрганишга ҳаракат қиляпман, - деди Хулиан Альварес.