Холанд жамоа танлашда адашди

Эрлинг Холанд манфаатларини ҳимоя қилаётган машҳур агент Мино Райола “Боруссия”ни танлаб, катта хатога йўл қўйганини тан олди.

- Холанд ҳамма нарсага кутилганидан тез эришмоқда. Айниқса, ривожланиш борасида унинг бундай ўсишини ҳеч ким кутмаган эди. Мен унга гранд клубларга ўтмасдан, Дортмундга боришни маслаҳат бериб, хато қилганимни тан олишдан қўрқмайман.

Холанд дунёнинг исталган клубида ўйнаб кета олишига бугун ҳеч ким шубҳа қилмайди. Унинг ҳозирги даражаси буни исботлаб турибди. Эрлинг буни ўтган йили ҳам уддаларди. Лекин кўп жамоалар унинг Зальцбургда кўрсатган ўйини  кучли лигаларда иш беришига ишонмади.

Ҳозир ўйинчининг келажаги учун нима муҳим эканини аниқлаб олиш  керак. Баъзан ҳамма кетиш керак, деганда клубда қолиш фойдалироқ бўлиб чиқади, - деди Мино Райола.

Таъкидлаш лозимки, ёзги трансферлар вақтида Холандни ўнга яқин суперклуб ўз таркибига қўшиб олмоқчи. “Боруссия” тўпурар ҳужумчисини 180 миллион еврога баҳоламоқда.