Холанд жароҳат олди

Норвегия терма жамоаси ҳужумчиси Эрлинг Холанд Миллатлар лигасида Португалияга қарши ўйинда жароҳат олди.

Иккинчи бўлим ўрталарда 26 ёшли футболчи давом эта олмаслигини ишора билан кўрсатди ва 67-дақиқада майдонни тарк этди. «Манчестер Сити» форвардининг жароҳати қай даражада жиддий экани ҳақидаги расмий маълумот кейинроқ эълон қилиниши кутилмоқда.

Эрлинг Холанд Португалиядаги сафар учрашувида гол ура олмади. У алмаштирилган пайтда таблода 1:1 ҳисоби ёзиб турган эди. Норвегия терма жамоасининг ягона голини ҳимоячи Кристоффер Айер урди. Орaдан кўп ўтмай, «шаҳарликлар» юлдузи майдонни тарк этганидан сўнг мезбонлар ҳисобда олдинга чиқишди – 2:1.

11 октябрь куни «Манчестер Сити» Премьер-лигада «Ливерпуль»га қарши муҳим баҳс ўтказиши режалаштирилган.