Холанд кейинги уч йил қаерда ўйнашини айтди

Европанинг гранд клублари орзусига айланган Эрлинг Холанд келажакдаги фаолиятига доир маълумот берди.

- Айни пайтда “Боруссия” билан шартномам бор ва у яна уч йилдан кейин якунланади. Шу боис, келажагимга доир турли миш-мишлар мени безовта қилаётгани йўқ, - деди Эрлинг Холанд.

20 ёшли норвегиялик ҳужумчи “Барселона”, “Реал”, “Манчестер Сити”, “Манчестер Юнайтед”, “Челси”, ПСЖ каби клубларнинг нишонида турибди. Бу клублар истеъдодли тўпурарни ёзги трансферлар даврида сотиб олмоқчи.

Холанд ўтган йилнинг бошида “Ред Булл Зальцбург” жамоасидан дортмундликлар сафига кўчиб ўтганидан бери 49 та учрашувда майдонга тушиб, рақиблар дарвозасини 49 маротаба ишғол қилди. Унинг бугунги кундаги трансфери 110 миллион еврога баҳоланмоқда.