Холанд “Манчестер Сити” раҳбариятига қачон клубдан кетишини айтди

“Манчестер Сити”нинг сўнгги йиллардаги  энг зўр тўпурари Эрлинг Холанд яқин келажакда клубини ўзгартириши мумкин.

Transfer News Live  ва El Nacional каби йирик манбаларнинг хабар беришича, норвегиялик футболчи “шаҳарликлар” раҳбариятига 2027 йил ёзида клубни тарк этиш нияти борлигини маълум қилган.

Шу билан бирга, манбага кўра, ҳужумчи келаётган ёзда жамоани тарк этмайди ва Англияда яна бир мавсум қолади.

Холанднинг асосий даъвогари сифатида  “Реал Мадрид” кўрилмоқда. Шунингдек, “Барселона” ҳам бу юлдузни ўз сафига қўшиб олишни режалаштириб қўйгани ҳақида маълумотлар тарқатилган.

Transfermarkt портали экспертлари 25 ёшли футболчининг бозор қийматини 200 миллион еврога  баҳоламоқда. Унинг “Манчестер Сити” билан шартномаси 2034 йилнинг ёзигача амал қилади.