Холанд нима сабабдан “Манчестер Сити”га ўтганини маълум қилди

"Манчестер Сити" ҳужумчиси Эрлинг Холанд отаси Альф-Инге сабаб “шаҳарликлар” билан шартнома имзолаганини маълум қилди.

- Албатта, “Манчестер Сити”га ўтишимга отамнинг ҳиссаси катта. У Англияда яшаган, қолаверса, шу клуб шарафини ҳимоя қилган. Тўғри, 20 йил ичида кўп нарса ўзгарди, лекин у Манчестерни яхши билади. Шунинг учун бу ерда қандай атмосфера бўлишидан хабардор.

Биз оддий нарсалар ҳақида гаплашдик. Мен учун нима яхши бўлишини кенг муҳокама қилиб, ҳамма таклифларни ўрганиб чиқдик. Якунда отам сабаб Англияга кўчиб ўтишга ахд қилдим, - дея Холанднинг сўзларини келтирди “Манчестер Сити” матбуот хизмати.

Эслатиб ўтамиз, катта Холанд ҳам Англияда ўйнаган бўлиб, АПЛнинг уч клуби шарафини ҳимоч қилган - "Манчестер Сити", "Лидс" ва "Ноттингем Форест".