Холанд учун энг муносиб жамоа қайси?

Италиялик машҳур мутахассис Фабио Капелло “Боруссия” Дортмунд ҳужумчиси Эрлинг Холандга муносиб жамоа қайси эканлигини айтди. Бу ҳақда Daily Mail нашри хабар бермоқда.

Унга кўра, Капеллонинг 19 ёшли норвегиялик футболчи учун “Ливерпуль” энг яхши жамоа ҳисобланади. Унинг фикрича, Холанд айнан Юрген Клопп қўл остида ўзининг юқори даражадаги ўйинини кўрсатиши мумкин.

Холанд “Боруссия” сафига қишки трансферлар даврида кўчиб ўтган эди. У ўтган вақт ичида 12 та ўйинда рақиблари дарвозасига 13 та гол урди.