Холандни олиб келсам, менга 100 миллион евро берасизлар!

“Боруссия” ҳужумчиси Эрлинг Холанднинг агенти Мино Райола “Барселона”га қўшимча талаб қўйгани маълум бўлди.

Каталония клуби бу футболчини олиш учун дортмундликларга бадал пули, Холандга катта маош тўлашдан ташқари, унинг агенти Мино Райолага қўшимча 100 миллион евро комиссия бериши талаб қилинмоқда. Райол бу пулнинг тенг ярмини футболчининг отаси Альф-Инге ҳисоб-рақамига ўтказиб беради.

Маълумотларга қараганда, каталонияликлар Мино Райоланинг бу талабини қондиришга тайёр эмас.

Шу боис, Жоан Лапорта бошқа ўйинчи топиш ҳақида топшириқ берган. “Барселона” мутасаддилари Холанд ўрнига Муҳаммад Салоҳ ёки Роберт Левандовски трансферини уюштиришга ҳаракат қилмоқда.