Холанднинг отаси "Реал"ни танлади. Бироқ...

"Боруссия" Дортмунд юлдузи Эрлинг Холанднинг келажаги мавҳумлигича қолмоқда. У ҳамон қайси клубга ўтиши борасида бир қарорга келмади. 

"El Chiringuito" нашри журналисти Хосе Альвареснинг хабар беришича, Мино Райола ўз мижозини "Барселона"да тўп тепишини истаяпти. Бироқ Альф-Инге Холанд ўғлининг "Реал"га ўтишини таниқли футбол агентидан талаб қилмоқда. 

Бу мавсумда 21 ёшли форвард "асаларилар" сафида жами 20 та ўйинда майдонга тушиб, 23 та гол ва 5 та ассист муаллифига айланган. 

Маълумот ўрнида, Холанд жароҳати сабабли 2022 йилнинг 22 январидан буён майдонга туша олмаяпти.