Холанднинг қайси жамоага ўтиши аниқ бўлиб улгурган

Дортмунднинг "Боруссия" клуби форварди Эрлинг Холанд 2022 йил "Ювентус"га ўтади. Бу ҳақда La Gazzetta dello Sport нашри хабар тарқатмоқда.

Юқоридаги манбаага кўра 2021/22 йилги мавсум якунлангач19 ёшли норвегиялик футболчи 75 млн евро эвазига “Ювентус”га ўтади. Гап шундаки, унинг агенти мижози “Боруссия”га утгунига қадар бўлган муддатда туринликлар билан келишиб қўйган.

Маълумот учун, Холанд “Борусси Д” сафига жорий қишки трансферлар даврида “РБ Зальцбург” клубидан келиб қўшилган эди. У ўтган давр мобайнида 8 та ўйинда 11 та гол уришга эришди.