Хориж клуби энг яхши легионерни аниқламоқда. Улар орасида 3 нафар ҳамюртимиз бор. Сиз қайси футболчимизга овоз берасиз?

Беларуснинг "Энергетик-БГУ" клуби мавсум якунлари бўйича сўровнома ташкил қилди. Бу ҳақда клуб матбуот хизмати хабар берди.

Манбанинг маълум қилишича, клубнинг инстаграмдаги саҳифасида (https://vk.cc/bRYYvx) ушбу мавсум жамоада ўйнаган энг яхши легионерни аниқлаш учун мухлислар ўртасида сўровнома ўтказмоқда. Улар орасида Хумоюнмирзо Иминов, Шаҳбоз Умаров ва мавсум ярмида жамоани тарк этган Жасур Яхшибоев номзоди бор.

Сўровнома 24 соат давом этади. Овоз бериш жараёнида битта одам, битта футболчини танлаши керак. Агарда бошқа вариантларни ҳам ёзадиган бўлсангиз, сизнинг овозингиз инобатга олинмайди. Ҳамюртларимиздан бирига овоз беринг!