Ямал 112 йиллик натижани такрорлади
Испания терма жамоасининг 17 ёшли ҳужумкор футболчиси Ламин Ямал турли даражадаги рекордларни янгилашда давом этмоқда.
“Барселона”дан терма жамоага чақиртирилган ўйинчи УЕФА Миллатлар лигаси ярим финалида Франция терма жамоаси дарвозасини икки бор ишғол қилиб, испанларнинг 5:4 ҳисобидаги ғалабасига катта ҳисса қўшган эди.
Stats Foot статистика маркази Ламин Ямал яна бир тарихий натижани қайд этганини маълум қилди. Манбага кўра, Ямал охирги 112 йил ичида 18 ёшга тўлгунича миллий терма жамоа сафида камида олтита гол урган биринчи европалик футболчига айланди.
Бундай натижа кўрсатган охирги футболчи бельгиялик Фернан Нисот эди. Бу ўйинчи 1913 йилда ўз мамлакати терма жамоаси сафида еттинчи голини урган.
Фикрлар