Ямаль: "Ҳеч бир терма жамоа Испания билан тенг ўйнай олмайди"

18 ёшли футболчининг таъкидлашича, рақиблар асосан чуқур ҳимояланишни танламоқда. Шу боис майдондаги кураш ташқаридан кўринганидан анча мушкул кечмоқда.

«Бизга қарши майдонда тенг ўйнайдиган жамоа деярли йўқ. Ҳамма чуқур ҳимояга ўтиб олади, шу нарса ўйинни янада қийинлаштиради», — дея Ямал сўзларини инсайдер Фабрицио Романо келтиради.

Испаниялик ёш ҳужумчига кўра, рақибларнинг шундай зич ўйинига қарамай, унинг жамоаси барибир керакли натижани қўлга киритмоқда. Чорак финалда Испания терма жамоаси Бельгияни 2:1 ҳисобида мағлуб этди. Ғалаба голини Микель Мерино 88-дақиқада урди.

Ярим финалда жамоа «Қизил фурия» Франция терма жамоасига қарши майдонга тушади. Учрашув 14 июль куни бўлиб ўтади.