Ямал – жаҳон чемпионати учун катта йўқотиш!

“Барселона” клуби ва Испания миллий терма жамоаси етакчиси Ламин Ямал сон орти пайлари жароҳатидан тикланиш жараёни сабаб жаҳон чемпионатининг дастлабки ўйинларини ўтказиб юборади.

Бу ҳақда The Athletic нашри хабар берди.

Испанлар биринчи учрашувда АҚШ вақти билан 15 июнь куни Кабо-Верде миллий терма жамоасига қарши саф тортиши белгиланган.

Манба маълумотига кўра, Ямал мундиалнинг айнан мана шу учрашувида иштирок эта олмаслиги тасдиқланди.

Бундан ташқари, 21 июнь куни бўлиб ўтадиган Саудия Арабистонига қарши иккинчи ўйинда ҳам Ямалнинг майдонга тушиши катта сўроқ остида қолмоқда.

2026 йилги жаҳон чемпионати АҚШ, Мексика ва Канадада 11 июндан 19 июлгача ўтказилади. Испания терма жамоаси гуруҳ босқичида Кабо-Верде, Саудия Арабистони ва Уругвайга қарши баҳс олиб боради.