Ямал: "Олтин тўп"ни мен ютаман деб ўйлагандим"

"Барселона" вингери Ламин Ямал 2025 йилги "Олтин тўп" мукофотини Усмон Дембеле қўлга киритганида нималарни ҳис қилгани ҳақида гапирди.

"Ростини айтсам, агар очиқ гапирадиган бўлсам, "Олтин тўп"ни мен ютаман деб ўйлагандим.

Орқага назар ташласам, Дембеленинг ғалабаси мен учун жуда фойдали бўлганини тушунаман. Бу менинг шахсий ўсишимга ёрдам берди. Ўйлашимча, ўша пайтда мукофотни ютиш учун тўғри вақт эмасди, чунки мен ҳали бола эдим ва эҳтимол "Олтин тўп"ни қўлга киритиш нимани англатишини тўлиқ қадрлай олмасдим.

Усмон Дембеле билан муносабатларимиз жуда яхши. Биз бирга вақт ўтказганмиз, кўп суҳбатлашганмиз. Ҳатто бир неча кун аввал у аҳволимни сўраб ёзди.

Ўша тақдирлаш маросимидан кейин мен катта бўлдим, ҳаётимда кўп нарсани ўзгартирдим. Дембеленинг "Олтин тўп"ни қўлга киритганидан жуда хурсандман.

Биз Дубайдаги маросимда ҳам бирга бўлганмиз ва муносабатларимиз жуда яхши эканини кўриш мумкин. Ҳозир ҳам мулоқот қилиб турамиз", — деди Ямал.

Эслатиб ўтамиз, 2025 йилги овоз бериш якунларига кўра, Ламин Ямал иккинчи ўринни эгаллаган, Усмон Дембеле эса ғолиб бўлган эди.