Ямаль ёки Вини? Агуэро жавоб берди

Фаолиятини якунлаган Серхио Агуэро "Реал" ва "Барса"нинг асосий юлдузлари ҳисобланган Винисиус ва Ямаль ҳақида ўз фикрини билдирди. 
 
"Ўйин услуби бўйича, истеъдод ҳақида гапирадиган бўлсак, Ламин Винисиусга қараганда кўпроқ нарсага эга. Гарчи Вини кўпроқ тажрибага эга ва кўпроқ унвонларни қўлга киритган бўлсада. Бразилиялик вингер дунёдаги кучли учликдан бири, лекин ёши ва истеъдоди туфайли мен Ламинни афзал кўраман" - дея жавоб берди аргентиналик собиқ ҳужумчи. 

Винисиус бу мавсум барча чемпионатларда 13 та ўйинда майдонга тушиб, 8 та гол ва 4 та ассистни ўз ҳисобида ёздириб қўйган. Ламин эса бу мавсум "Барселона" сафида 13 та ўйинда ҳаракат қилиб, 5 та гол 7 та голли узатмани амалга оширган.

Эслатиб ўтамиз, Кун Агуэро соғлиғидаги муаммолар сабабли 2 йил аввал фаолиятини якунлашга мажбур бўлган.