Ян Облак АПЛ грандига ўтиши мумкин

"Атлетико" дарвозабони Ян Облак Премьер-лига клуби сафига ўтиши мумкин. "The Athletic" нашри хабарига кўра, 29 ёшли словениялик футболчига "Тоттенхэм" қизиқиш билдирмоқда. Лондон клуби Облакни Уго Льориснинг ўринбосар сифатида кўрмоқда.

Қайд этилишича, Яннинг юқори маоши трансфернинг амалга оширишда тўсиқ бўлиб қолиши мумкин. Боиси, "Тоттенхэм" футболчиларга кўп маош беришга қодир эмас.

Ян Облак 2014 йилдан бери "Атлетико"да ўйнаб келади. Словениялик футболчи "матрасличлар" сафида 367 та ўйин ўтказиб, 281 та гол ўтказиб юборган.

"Тransfermarkt" портали Янни 40 миллион еврога баҳоламоқда.