Ян Облак "Атлетико" билан шартномани қанча муддатга узайтириши ва қанча маош олиши маълум

Мадриднинг "Атлетико" клуби ва Словения терма жамоаси дарвозабони Ян Облак “матрасчилар” билан имзолайдиган янги меҳнат шартномаси тафсилотлари маълум бўлди.

Инсайдер Фабрицио Романонинг сўзларига кўра, маҳоратли посбон Испания топ-клуби билан шартномасини 2025 йилнинг ёзига қадар узайтиради. Аввалроқ матбуотда футболчининг маоши йилига 12 миллион еврогача оширилиши ҳақида хабарлар тарқалган эди.

Облакнинг "Атлетико" билан амалдаги меҳнат шартномаси муддати кейинги мавсум охиригача тузилган.

29 ёшли Ян Облак Мадрид жамоаси сафида 2014 йилдан бери ўйнаб келмоқда. У ўтган 2021/2022 йилги мавсум Ла Лигада 38 та ўйинда майдонга тушиб, ўз дарвозасидан 43 та гол ўтказиб юборган ва 12 та ўйинда дарвозаси даҳлсизлигини сақлаб қолган.