Ян Облак Онананинг ўрнини эгаллаши мумкин

Облак фаолиятини А Серияда давом эттириши мумкин.

"Todofichajes" нашри хабарига кўра, словениялик дарвозабон ёзда "Атлетико"ни тарк этиши мумкин. Дарвозабонга Миланнинг "Интер" клуби жиддий қизиқиш билдирмоқда.

"Нерадзуррилар" Облакни тез орада "Манчестер Юнайтед" билан шартнома имзолайдиган Андре Онан ўрнига таклиф қилишлари мумкин. Словенияликнинг трансфери Италия жамоасига 50-70 миллион еврога тушиши мумкин. Яннинг амалдаги клуби билан шартномаси 2028 йилнинг июнь ойи охиригача амал қилади.

Облак 2014 йилнинг ёзидан буён "матрасчилар"да ўйнаб келмоқда. Испания чемпионати якунланган мавсумида 30 ёшли дарвозабон 28 та ўйин ўтказиб, 20 та гол ўтказиб юборди. 13 ўйинда у ўз дарвозаси дахлсизлигини сақлаб қолди.