Яна 3 нафар дзюдочимиз Олимпиадага йўлланма берувчи зонага кирди

Ўтган ҳафта Озарбайжон пойтахтида дзюдо бўйича Катта дубулға туркумига кирувчи катта мусобақа ўз якунига етди. Мусобақа Токио Олимпиадасига ҳам йирик рейтинг очколарини тақдим этар эди. Табиийки, мазкур турнирдан кейин Олимпиада рейтингида ҳам қатор ўзгаришлар юз берди. -66 килограмм вазн тоифасида юртимиз шарафини ҳимоя қилган Муҳриддин Тиловов мусобақада бешинчи ўринни қўлга киритгани эвазига 59-поғонага кўтарилиб олди. Қайд этиш жоиз, ушбу вакилимиз бундан аввалги рейтингда кучли 100 таликда ҳам бўлмаган. Шунингдек, ушбу вазн тоифасидаги вакилимиз Шаҳрам Аҳадов Олимпиада зонасидан чиқиб кетди. Осиё-Океания чемпионатидаги муваффақиятли иштирокидан кейин эса Шарофиддин Болтабоев (-81 кг), Диёра Келдиёрова (-52 кг) ҳамда Гулноза Матниязова (-70 кг) Олимпиадага йўлланма берувчи зонага кирди. Батафсил:

-60 кг:
1. Роберт Мшвидобадзе (Россия) – 2251 очко
8(8 аввалги ўрни) . Шарофиддин Лутфуллаев – 1255 очко (йўлланма зонасида)
40 (35). Диёрбек Ўрозбоев – 378 очко (йўлланма зонасида эмас)
46(41). Кемран Нуриллаев – 303 очко (йўлланма зонасида эмас)

-66 кг:
1. Жоширо Маруяма (Япония) – 2250 очко
15(14). Сардор Нуруллаев – 877 очко (йўлланма зонасида)
30(26). Шаҳрам Аҳадов – 569 очко (йўлланма зонасида эмас)
59(+100). Муҳриддин Тиловов – 260 очко (йўлланма зонасида эмас)

-73 кг:
1. Ан Чангрим (Жанубий Корея) – 2395 очко
13(16). Ҳикматиллоҳ Тўраев – 1006 очко (йўлланма зонасида)

-81 кг:
1. Саги Муки (Исроил) – 2300 очко
40(39). Шарофиддин Болтабоев – 593 (йўлланма зонасида)

-90 кг:
1. Николоз Шеразадишвили (Испания) – 2651 очко
55(55). Давлат Бобонов – 317 очко (йўлланма зонасида эмас)

-100 кг:
1. Варлам Липартелиани (Грузия) – 2351 очко
21(24). Муҳаммадкарим Хуррамов – 801 (йўлланма зонасида)

+100 кг:
1. Гурам Тушишвили (Грузия) – 2255 очко
7(5). Бекмурод Олтибоев – 1360 очко (йўлланма зонасида)

Аёллар:
-52 кг:
1.Амандин Бушар (Франция) – 2475 очко
26. Диёра Келдиёрова – 547 очко (йўлланма зонасида)

-70 кг:1. Чизуру Араи (Япония) – 2175 очко
33. Гулноза Матниязова – 482 очко (қитъавий квота)

Эслатма!
– Юқорида фақат Олимпиада рейтинги келтириб ўтилган, жаҳон рейтинги эмас.
– Рейтингда етакчи ва унга энг яқин вакилларимиз кўрсатилган.
– Бир вазнда 2 ёки ундан ортиқ дзюдочи йўлланма зонасида бўлса, қайси спортчи Олимпиадага боришини МОҚ ва федерация танлайди.
– Олимпиада рейтингини йиғиш 2020 йилнинг 25 май санасида якунланади.

Манба: МОҚ