Яна бир португалиялик футболчи фаолиятини Саудияда давом эттириши мумкин

"Милан" клуби ярим ҳимоячи Жоау Фелиш билан шартномани давом эттирмаслигини тасдиқлади. Июнь ойида футболчи "Челси"га қайтади.

Бироқ, Фелиш "аристократлар" режасига ҳам кирмайди. Португалиялик футболчига "Галатасарай" ва Саудия Арабистонининг бир нечта клублари қизиқиш билдирмоқда.

Аввалороқ, "Астон Вилла" Фелишни ўз сафига қўшиб олмоқчи эканлиги ҳақида хабарлар тарқалган эди.

Эслатиб ўтамиз, Фелиш жорий йилнинг февраль ойида "Челси"дан "Милан"га ижара асосида ўтган эди. Унинг Лондон клуби билан амалдаги шартномаси ёзда тугайди. Жорий мавсумда 25 ёшли португалиялик футболчи барча мусобақаларда 31 та ўйин ўтказиб, 8 та гол урган ва 3 та голли узатмани амалга оширган.