Яна бир юлдуз жаҳон чемпионатига боролмайдиган бўлди

“Эвертон” ҳимоячиси Жаррэд Брэнтуэйт жароҳати сабаб жорий мавсумнинг қолган қисмини ўтказиб юборади ва катта эҳтимол билан 2026 йилги жаҳон чемпионатида ҳам иштирок этмайди.

Бу ҳақда The Athletic хабар бермоқда.

Футболчи мазкур жароҳатни Англия Премьер-лигасининг 33-туридан ўрин олган “Ливерпуль”га қарши ўйинда (1:2) олган. У ўйиннинг 87-дақиқасида захирага олинди ва  кейинчалик “Хилл Дикинсон” стадионидан қўлтиқтаёқларда чиқиб кетган.

Жорий клуб мавсумида Брэнтуэйт 10 та ўйинда иштирок этиб, 1 та гол урди ва 1 та голли узатма берди. Transfermarkt маълумотига кўра, футболчининг ҳозирги бозор қиймати 45 миллион еврони ташкил этади.

23 ёшли футболчи Англия миллий терма жамоаси сафида битта учрашувда иштирок этган ва 2026 йилги мундиалга боришга давъогар ўйинчилардан бири эди.