Яна бир юлдуз жаҳон чемпионатини ўтказиб юбориши мумкин

"Ювентус" ярим ҳимоячиси Поль Погба ЖЧ-2022ни ўтказиб юбориши мумкин. 

Франциялик футболчи яқиндаги "Юве" машғулотларига қайтганди. "La Gazzetta dello Sport" нашрининг ёзишича, Поль янги жароҳат олган. Ҳавбек узоқ вақт ўйин амалиётисиз қолганлиги сабабли сон мушакларини шикастлаб олган. Погба камида 10 кунга сафдан чиқди. 

Қайд этилишича, Поль ушбу жароҳат туфайли 20 ноябрь куни Қатарда бошланадиган мундиалда иштирок этмаслиги мумкин. Терма жамоалар якуний рўйхатни 13 ноябрь куни эълон қилиши керак.