Yana bir yulduz Saudiya klubiga o‘tmoqda

“Chelsi” darvozaboni Eduard Mendi Saudiya Arabistoni chempionatiga o‘tishga yaqin turibdi.

Insayder Fabritsio Romanoning xabar berishicha, "Chelsi" darvozaboni "Al-Ahli" bilan shaxsiy kelishuvga erishgan. Unga ko‘ra, tomonlar o‘rtasida imzolanajak shartnoma 2026 yilning yoziga qadar amal qiladi.

Aytish kerakki, senegallik darvozabonni yangi klubga o‘tkazish bo‘yicha muzokaralar so‘nggi bosqichda.

Eslatib o‘tamiz, Mendi “Chelsi” safida 2020 yildan buyon to‘p surib kelmoqda. U o‘tgan mavsum APLda 10 ta o‘yinda maydonga tushib, o‘z darvozasidan14 ta gol o‘tkazib yubordi.