Яна бир юлдуз учун мавсум тугади

“Тоттенхэм Хотспур” ҳужумчиси Доминик Соланке сон орқа қисми жароҳати туфайли бу мавсумда бошқа ўйнай олмайди.

У жароҳатни ўтган шанба куни “Вулверхэмптон”га қарши 1:0 ҳисобидаги ғалабали баҳсда олган эди.

Қўшимча текширувлар мушак ёрилишини кўрсатди ва тикланиш 3 ҳафтадан 8 ҳафтагача давом этади. Бу эса 28 ёшли форвардга Премьер-лигадаги қолган тўрт ўйинда қатнашиш имконини бермайди.

Шу тариқа, Соланке мавсумни барча мусобақаларда 20 ўйин ва 6 гол билан якунлайди. У аввалроқ тўпиқ жароҳати туфайли ҳам анча вақт майдондан ташқарида бўлган.

Шунингдек, жамоа қолган ўйинларда Кристиан Ромеро, Хави Симонс ва Муҳуаммад Қудуссиз ҳам қолиши мумкин. Гульельмо Викарио ҳамда Деян Кулусевскининг ҳолати ҳам ноаниқ бўлиб турибди.