Янги мавсумда АПЛда қайси жамоа ғолиб бўлади?

"Манчестер Юнайтед" клуби собиқ футболчиси Рио Фердинанд АПЛнинг янги мавсумида "Челси" чемпион бўлишини тахмин қилмоқда.

“Челси”нинг статистикасини кўрдингизми? Улар кейинги мавсумда премьер-лигада ғалаба қозонади, деб ўйлайман. Тухель келгач, улар барча жиҳатларда кўрсаткичларни яхшилаб олди. Тухель тузган жамоа ҳақиқатдан ҳам олқишга лойиқ”, - деди Фердинанд.

47 ёшли Тухель “Челси”ни жорий мавсумнинг иккинчи қисмидан буён бошқариб келмоқда. Ҳозир “аристократлар” АПЛда кучли тўртликда бормоқда. Бундан ташқари Лондон гранди УЕФА Чемпионлар лигаси финалига ҳам йўлланмани қўлга киритди.

“Челси” 29 май куни бўладиган финал учрашувида “Манчестер Сити”га қарши баҳс олиб боради.