Янги мураббийни бонуслар билан сийлашади

Руминия миллий терма жамоаси бош мураббийи лавозимига яқин ўтмишнинг машҳур футболчиси Георге Хажи тайинланиниши кутиляпти, чунки Мирча Луческу ўз ишини давом эттира олмайдиган бўлди.

Руминий оммавий ахборот воситаларининг ёзишича, таклиф қилинаётган шартномага кўра, Хажи терма жамоада иш бошлаши билан Луческу билан бир хил маош олади, асосий қўшимча тўловлар эса жамоанинг халқаро мусобақаларга чиқишига боғлиқ бўлади.

Хабарларга кўра, Руминия футбол федерацияси президенти Разван Бурляну Хажи билан учрашиб, шартнома тафсилотлари бўйича келишувга эришган.

Режалаштирилган шартномада Хажининг ойлик маоши 27 000 еврони ташкил этади, бу эса бир йилда 324 000 евро бўлади.

Асосий маошдан ташқари, шартнома натижага қараб бериладиган бонусларга катта эътибор қаратилган. Хусусан, агар Руминия 2028 йилги Европа чемпионатига чиқса, Хажи 300 000 евро миқдорида қўшимча бонус олади.

Агар жамоа 2030 йилги жаҳон чемпионатига йўлланма олса, Хажи яна 500 000 евро бонусга эга бўлади. Руминия матбуотининг таъкидлашича, бу бонуслар унинг йиллик маошидан ҳам кўпроқ.

Расмий шартнома имзолангандан сўнг, Хажи дарҳол ўз вазифасига киришиши кутилмоқда. Унинг биринчи синов ўйини 2 июнь куни Тбилиси шаҳрида Грузияга қарши ўртоқлик учрашуви бўлади.