Янги ўйинчи бир зарба билан “Манчестер Юнайтед”га рекорд келтирди

Англия Премьер-лигасининг янги мавсумдаги биринчи учрашувида “Манчестер Юнайтед” ўз мухлислари кўз ўнгида “Фулхэм”ни қабул қилиб, қийин ғалабага эришди.

Манчестерликларга дастлабки уч очкони келтирган голни 87-дақиқада жамоанинг янги аъзоси Шошуа Зиркзее киритди.

Захирадан ўйинга қўшилган футболчининг биргина аниқ зарбаси манчестерликларнинг антиқа рекордини узайтирди. Гап шундаки, “Манчестер Юнайтед” Англия Премьер-лигасида биринчи учрашувда ғалаба қозониш бўйича рекордчи ҳисобланади.

Зиркзее киритган гол “Олд Траффорд” эгалари учун чемпионатнинг илк баҳсларидаги 22-ғалаба бўлди.

Бу кўрсаткич бўйича икки ўринда “Челси” бормоқда. “Аристократлар” ўз тарихида 20 марта илк беллашувда зафар қучган бўлса, учинчи поғонада бораётган “Ливерпуль” ҳисобида бундай ғалабалар 18 тани ташкил қилади.