Янгиланган WBA рейтингида ўзбекистонлик боксчиларнинг натижалари қандай кўриниш олди?

  • 3 январь, 2020, 13:16
  • 0
  • Бокс

Бутунжаҳон бокс ассоциацияси (WBA) декабрь ойи рейтингини эълон қилди.Унда бир қатор ўзбекистонлик чармқўлқоп усталари ҳам ўрин олган. Жумладан, 76,2 кг вазн тоифасида ўз жангларини ўтказаётган Бектемир Мелиқўзиев (4-4-0-0-3 KO) илк маротаба топ 15 таликдан ўрин олди. Хабарингиз бор, ушбу юртдошимиз сўнги жангида ғалаба қозониб, WBA Continental Amerikas чемпионлик камарини қўлга киритган эди. У ўз вазн тоифасида 15-ўринда қайд этилган.

55,3 кг вазн тоифасида фаолият олиб бораётган Муроджон Аҳмадалиев ( 7-7-0-0-6 КО) эса ҳамон вазн тоифасида етакчилик қилмоқда.

Яна бир истеъдодли боксчимиз Исроил Мадримов ( 4-4-0-0-4 КО) 4-ўринда, Шоҳжаҳон Эргашев (17-17-0-0-15 КО) ўз ўрнини сақлаган ҳолда 6-поғонада қайд этилган. Рио Олимпиадаси совриндори Шаҳрам Ғиёсов (9-9-0-0-7 КО) эса бир поғона пастлаб, 8-ўринни эгаллаб турибди.

Рейтингда бошқа ўзбекистонлик боксчилар ўрин олмаган.

Фикрлар

Фикр қолдириш учун авторизациядан ўтинг!