Япониялик футболчи "Эйбар"га қайтди

Япониялик ярим химоячи Такаси Инуи "Бетис" клубидан собиқ жамоаси "Эйбар"га қайтди.

31 ёшли футболчи клуб билан 3 йиллик битимга имзо чекди. Таништирув маросими душанба кунига мўлжалланмоқда.

Сўнгги мавсум, ижара асосида "Алавес" таркибида тўп сурди ва 20 та ўйинда иштирок этиб, 2 та гол ҳам урди.

Эслатиб ўтамиз, япониялик футболчи 2015-2018 йилларда "Эйбар" футболчиси бўлган.