Яқин кунларда таниқли лигалардан бири тугатилади!

"Hardcore FC" лигасининг раҳбари ва асосчиси Анатолий Сульянов яқин кунларда промоушен тугатилишини маълум қилди.

"Компания энди Бокс федерацияси лицензиясига эга эмас, ҳомийлик шартномаси бекор қилинди. Биз компания ва унинг ходимларини сақлаб қолишдан маъно кўрмаяпмиз. Бугунга қадар барча солиқларни ёпдик ва уни тугатишга қарор қилдик" - дея Анатолийнинг сўзларини келтирди "Mash на спорте" Telegram канали.

Эслатиб ўтамиз, жорий йилнинг февраль ойи ўрталарида ўнлаб жангчилар "Hardcore FC" раҳбариятини гонорар тўламаганликда айблганди.