Яхшибоев жамоаси Польша Кубогидан чиқиб кетди

Ҳамюртимиз Жасур Яхшибоев тўп сурувчи Варшаванинг "Легия" клуби бугун Польша Кубоги чорак финали доирасида "Пяст Гливице" клубини ўз уйида меҳмон қилди ва кутилмаганда 1:2 ҳисобида мағлубиятга учради. 7-дақиқада ўтказиб юборилган тезкор гол ҳамда бош мураббийнинг кубок баҳсларига жиддий эътибор қаратмаётгани бугунги мағлубиятга сабаб бўлгандир, балки.

Шу тариқа, кубокни эрта тарк этган варшаваликлар энди бор эътиборини Польша Премьер-Лигасига қаратадиган бўлди. Яхшибоевга ҳамда унинг жамоасига бу йўлда зафарлар тилаб қоламиз!