Яхшибоев ўзи кўзлаган чўққини забт этолмади, лекин...

Беларусь чемпионати олий лигаси якунланишига бир тур қолди. Олий лига жамоалари 29-тур учрашувини бир вақтда ўтказди. Ўзбекистонлик футбол мухлисларининг эътибори “Рух” – “Шахтёр” ва “Энергетик-БГУ” – “Динамо Минск” жамоалари ўйинига қаратилди. Шунингдек, БАТЭ – “Белшина” баҳси ҳам эътибордан четда қолгани йўқ.

“Энергетик-БГУ” ўз майдонда 2:3 ҳисобида мағлубиятга учраган бўлса-да, амалда уч очкодан бошқа ҳеч нарса йўқотмади. Биринчи даврада “талабалар” жамоаси ҳақиқий етакчига айланган Жасур Яхшибоев “Шахтёр”га ўтиб кетганидан кейин бу клуб ўз олдига қўйган марраларни забт эта олмаслиги дарров аниқ бўлиб улгурган. Жамоа ўйинларини Шаҳбоз Умаров ва Ҳумоюнмирзо Иминов учун кўрамиз. Бироқ, Шаҳбоз ҳам жорий мавсум якунланиши билан БАТЭ сафига қўшилиши ёзги трансферлар вақтида ҳал қилиб қўйилган.

bye263d50eb2e_2

“Шахтёр”дан чемпионликни кутаётган эди. Чунки ҳамюртимиз Жасур Яхшибоев  чемпион бўлишини хоҳлаймиз. Чемпионатнинг ҳал қилувчи ўйинлари бошлангунга қадар солигорскликлар биринчи  ўринни эгаллаб турганди. Бироқ, “Славия” ва “Динамо Минск” билан ўйинлардаги кетма-кет икки мағлубият БАТЭни олдинга ўтиб кетиши учун кифоя қилди.

Гарчи “Шахтёр” 29-турда сафарда “Рух”ни қийинчилик билан 2:1 ҳисобида мағлубиятга учратган бўлса-да, БАТЭ ўз уйида “Белшина” дарвозасига бешта гол уриб, чемпионликка бир қадам яқинлашди. Сўнгги турда солигорскликлар ўз майдонида “Минск”ни қабул қилади. Жасурнинг жамоадошлари бу учрашувни ўз фойдасига ҳал қилгани билан  “Динамо-Минск” борисовликлардан очко олишини кутишга мажбур.

Хуллас, чемпионлик интригаси сўнгги тургача сақланиб туради ва ҳаммаси 28 ноябрь куни ҳал бўлади.

Жасур Яхшибоев  Беларусь чемпионлигидан ташқари мусобақа тўпурарлари баҳсида ҳам ғолиб чиқмоқчи эди. Ҳамюртимиз худди “Шахтёр” каби муҳим паллада тезлик ололмай қолди. Узоқ муддат тўпурарлар пешқадами бўлган Жасурга гол уришда барқарорлик етишмади. Балки бунга Жасурнинг соф ҳужумчи эмаслиги панд бергандир. Ҳар ҳолда Яхшибоев қанот футболчиси, яъни ярим ҳимоячи ҳисобланади.

Инсоф юзасидан тан олиш керак, тўпурарлик рутбасини ундан тортиб олган БАТЭ ҳужумчиси Максим Скавиш иккинчи даврадан бошлаб тинимсиз гол урмоқда. Охирги учрашувда ҳам у “Белшина” дарвозасини икки марта ишғол қилди. Жасур эса, майдонни яна голсиз тарк этди.

Умуман олганда, Максим Скавиш биринчи даврада ўз ҳисобига учта гол ёзиб қўйганди. Ўшанда Жасурнинг жамғармасида “Энергетик-БГУ” таркибида киритган тўққизда гол бор эди. Чемпионатнинг иккинчи ярмида беларуслик ҳужумчи 16 та гол уришга эришди. Бунақа сермаҳсулликни ҳеч ким кутмаган эди. Чунки Беларусь чемпионатида 2007 йилдан буён бирор бир тўпурар 18 тадан кўп гол ура олмаган.

Жасур ҳам иккинчи даврада гол урди. Фақат сони камроқ бўлди. Айниқса, яқинда “Белшина”  билан ўйинда хет-трикка эришиб, Скавишга етиб олишига битта тўп қолганида мухлисларимизда  кураш давом этишига умид уйғонганди. Лекин амалда ундай бўлмади. Иккита ўйиндан бери майдондан қуруқ чиқаётган Жасур рақобатчисидан учта голга ортда қолди. Буёғига сўнгги ўйинда  Скавишдан ўтиб кетишнинг имкони бўлмаса керак.

20200731_200007_1

Ҳа, Жасур чемпионликдан ҳам, тўпурарликдаги ғолибликдан ҳам қуруқ қолишга яқин. Лекин унинг энг катта ютуғи ўзбекистонлик мухлису мутахассислар қатори хорижликларга ҳам Жасур Яхшибоев, деган футболчи борлигини танитиб қўя олгани бўлди.

Тан олайлик, Жасур фаолиятида илк бор легионер сифатида тўп тепган чемпионатда ўз салоҳиятини кўрсата олди. Унинг ўйинлари орқали ўзбек футболига назар ташлай бошлашди. Жасурнинг ўзига ҳам Чемпионлар лигасида ўйнайдиган жамоалар – “Динамо” (Киев) ва “Астана”дан қизиқиш бор. Бу бошланиши, албатта.

Умуман олганда, Жасурнинг бу йилги фаолиятини ижобий баҳоласак бўлади. У ўзини намоён эта олди. Ўзи ҳам бежизга “Шахтёр”да қолмайман, демаётгандир, ахир. Фаолиятида яна ўзгаришлар бўладиганда ўхшайди...

Яхшибоев Беларуснинг энг яхши футболчиси, деб тан олинишига икки қадам қолди!

Яхшибоевга Европа чемпионлар лигасининг доимий иштирокчиси харидор бўлмоқда

Бугунги чемпионлик ўйинида Яхшибоевдан қаҳрамонлик кутишмоқда

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар