Яхшибоевнинг "Легия"си меҳмонда минимал ҳисобда зафар қучди

Польша Премьер-Лигаси 20-туридан ўрин олган "Шлёнк" Врослав - "Легия" баҳси ўз ниҳоясига етди. Учрашув меҳмонларнинг 0:1 ҳисобидаги ғалабаси билан якунланди. Жасур Яхшибоев бу учрашув учун қайдномага киритилмаган эди, шу сабабли у бугун майдонга тушмади.

Ўйин тақдирини ҳал қилган ягона голга "Легия" сафида Павел Вшолек муаллифлик қилди. Шу тариқа, очколари сонини 42 тага етказиб олган Яхшибоев жамоаси энг яқин таъқибчисидан 7 очкога илгарилаб кетди. "Шлёнск" Врослав эса, 28 очко билан 7-ўринда бормоқда.