Йирик ҳисобда ғалаба қозонган "Пахтакор" пешқадамликни қўлга олди

Ўзбекистон Суперлигаси 8-туридан ўрин олган "Пахтакор" - "Қўқон-1912" учрашуви ўз якунига етди. Унда мезбонлар 3:0 ҳисобида ғалаба қозонди.

Биринчи бўлим якунида фаолликни оширган "шерлар" Диёр Холматов ҳамда Эрен Дердийок томонидан киритилган голлар эвазига ҳисобни ишончли кўринишга келтирди. 62-дақиқада пенальтини аниқ амалга оширган Черан жамоаси йирик ҳисобда ғалаба қозонишини таъминлади.

Шу тариқа, "шерлар" очколари сонини 19 тага етказиб олган ҳолда, 1-ўринга кўтарилиб олди. 5-поғонадаги "Қўқон-1912" ҳисобида 12 очко бор.

• Суперлига
• 8-тур

Пахтакор

• Холматов Диёр 39'
• Эрен Дердийок 45+1'
• Драган Черан 62'

3 : 0

12/05/2021 18:50

Қўқон-1912

Стадион: "Пахтакор" марказий стадиони, 1257 томошабин

Бош ҳакам: Рустам Лутфулин

Батафсил

• 90+6'
  

  Учрашув якунланди. "Пахтакор" яна биринчи ўринга кўтарилиб олди!

• 90+5'

  Холдорхонов ҳужумда қоида бузди.

• 90+4'

  Фаррух Сайфиевнинг узатмасини Холмуҳаммедов узоқлаштирди.

• 90+2'

  Хюистра шогирдлари ҳамон устунликда ҳаракат қиляпти. Меҳмонлар қарши ҳужумларга таянмоқда.

• 90'
  

  Ўйиннинг асосий вақтига 6 дақиқа қўшиб берилди.

• 88'
  

   Дердийок ўрнига Холдорхонов, Аъзамов ўрнига Чобанов туширилди.

• 85'

  Черандан пас қабул қилиб олган Эркинов тўпни йўқотди.

• 83'

  Сўнгги дақиқаларда назорат мезбонлар томонда бўлиб турибди.

• 81'
  

  Яқин масофадан берилган зарбани Қувватов қайтарди. Уни устига, "Қўқон-1912" футболчиси офсайдда қолиб кетган экан.

• 79'
  

  Диёр Холматов ҳамда Сардор Собирхўжаев ўрнига Азиз Турғунбоев ва Шароф Муҳитдинов ўйинга қўшилди.

• 76'
  

  Ҳозиргина майдонга тушган Алижоновнинг узоқ масофадан йўллаган зарбасини дарвозабон бартараф этди.

• 76'
  

  "Қўқон-1912" сафида ўзгариш: Шоҳназар Норбеков ўрнига Андрей Сидоров майдонга тушди. "Пахтакор" таркибида Йўлдошев ўз ўрнини Хожиакбар Алижоновга бўшатиб берди.

• 75'
  

  Диёр Холматовнинг узоқ масофадан берган зарбасини меҳмонлар посбони қайтарди.

• 72'
  

  Шохназар Норбековнинг зарбасидан кейин Қувватов тўпни қайтарди.

• 70'

  Ашурматов шогирдлари рақиб қаршилигини синдира олмаяпти.

• 67'
  

  Эрен Дердийокнинг стандартдан йўллаган кучли зарбасини дарвозабон бартараф этди.

• 65'
  

  Чераннинг оёғини босиб олган Ойбек Рустамовга сариқ карточка кўрсатилди.

• 64'

  Футболчилар асабларини жиловлаб олиши зарур.

• 62'
  

  ГООООООООООООЛ! Черан ҳисобни йирик кўринишга келтирди!

  Ўзидан ўнг бурчакка кучли зарба берган Драган дарвозабонни ожиз қолдирди.

• 60'
  

  Жарима майдони ичида қўқонликлар посбони Дердийокни йиқитди. Бу - пенальти!

• 58'

  "Шерлар"нинг ҳужумлари тобора хавфли тус олиб бормоқда.

• 55'

  Тўп назорати пойтахтликлар томондаб ўлиб тўрибди.

• 52'

  Холмуҳаммедовнинг ақлли узатмасидан кейин жамоадошлари тўпга зарба бера олмади.

• 50'
  

  Жарима майдони яқинида Йўлдошев рақибига нисбатан қўпол ўйнади. Ҳакам унга сариқ карточка кўрсатди.

• 48'

  Хюистра шогирдлари эрта прессинг уюштирмоқда.

• 46'
  

  Ашурматов 3 та ўзгаришга қўл урди: Муҳаммаданас Ҳасанов, Иқбол Маликжонов, Мўмин Мелиев ўрнига Сардор Азимов, Ойбек Рустамов ва Якуба Бамба ўйинга қўшилди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+4'
  

  Танаффус!

• 45+3'

  Бугун "Пахтакор" рақибни класс эвазига мағлуб этмоқда.

• 45+1'
  

  ГОООООООООООЛ! Меҳмонлар ҳисобни ишончли кўринишга келтирди!

  Холматовнинг аниқ узатмасидан кейин Дердийок дарвозани ишғол этди.

• 45'
  

  Биринчи таймга 4 даиқа қўшиб берилди.

• 45'

  Собирхўжаевнинг зарбасидан кейин тўп рекошет натижасида майдонни тарк этди.

• 44'

  Мелиев Аброр Исмоиловга нисбатан марказда қоида бузди. Тўп "шерлар"га қайтарилади.

• 42'

  Ҳисобда ортда қола бошлаган қўқонликлар олдинга ўтишга ҳаракат қилмоқда.

• 39'
  

  ГООООООООООООЛ! Учрашувда ҳисоб очилди!

  Жарима майдони ташқарисидан аниқ зарба берган Диёр Холматов дарвозабонни ожиз қолдирди.

• 38'

  Учрашув қарама-қарши ҳужумлар остида давом этмоқда.

• 35'

  Жарима майдонига оширилган тўпга Эрен Дердийок ноаниқ зарба берди.

• 34'
  

  Бу сафар рақиб футболчиси берган зарбани "Қўқон-1912" дарвозабони қайтарди.

• 32'

  Хюисрта шогирдлари тўпни ўзларида ушлаб турибди.

• 29'
  

  Бу сафар Маликжоновнинг уринишидан кейин тўпни мезбонлар посбони қайтарди.

• 28'

  Ўз жойини ташлаб олдинга чиққан Қувватов Мелиевнинг зарба йўллашига ҳалал беришни уддалади.

• 26'

  Собирхўжаев Бекмуродовнинг оёғини босиб олган вазиятдаги қизил карточка эҳтимолини кўриш учун ҳакам майдон четига йўл олди.

• 24'

  Фарҳод Бекмуродов майдонда ётибди. Унга тиббий ёрдам керакка ўхшайди.

• 21'

  Яхши очилган Сайфиевни Исмоилов тўп билан таъминлади. Фаррухнинг зарбаси ноаниқ кетди.

• 19'

  Ўйин тизгини пойтахтликлар қўлида бўлиб турибди.

• 17'

  Чап қанотдан жарима майдонига оширилган тўпга Норбековнинг йўллаган зарбасига аниқлик етишмади.

• 16'

  Ўнг қанотдан олдинга ўтган Эркиновни Мерзляков тўхтатди.

• 14'

  Ўйин темпи бироз пасайди. Тезкор гол ура олмаган томонлар эҳтиёткорлини биринчи планга киритди.

• 12'

  Меҳмонларнинг ҳужуми хавфли чиқди. Бирга-бир вазиятга чиқиб борган Норбеков ноаниқ зарба йўллади.

• 10'

  Дердийокнинг зарбасига аниқлик етишмади.

• 8'

  Ўйин назорати "шерлар" томонда бўлиб турибди.

• 5'

  Қўқонликлар рақиб ҳужумларини қийинчилик билан бартараф этяпти.

• 3'

  Илк дақиқалардан майдон эгалари фаоллик кўрсатмоқда.

• 1'
  

  Учрашувга старт берилди!