Ё Левандовски, ёки Холанд!

“Бавария” раҳбарияти асосий тўпурар Роберт Левандовски ёзда жамоани тарк этса, ўрнига “Боруссия” ҳужумчиси Эрлинг Холандни трансфер қилмоқчи.

Мюнхенликлар мавсум охирида норвегиялик ҳужумчини 75 миллион еврога харид қилишни режалаштирмоқда. Улар ўйинчининг агенти Мино Райоланинг 40 миллион евролик гонорари ва Холанднинг отасига улушини беришга ҳам тайёр.

Аввалроқ, 21 ёшли ҳужумчи уни таклиф қиладиган жамоа йилига 30 миллион евро маош бериши кераклигини эълон қилган эди.

“Бавария”га режасини амалга ошириш осон бўлмайди. Чунки Европанинг бир қатор гранд клублари Холанд трансфери учун Бундеслига етакчисидан кўпроқ маблағ ва ўйинчининг ўзига каттароқ маош беришга тайёр.

Фикрлар

Фикр қолдириш учун авторизациядан ўтинг!