Ёш футболчи Францияда энг зўр ўйинчи бўлди
“Марсель” жамоасининг 19 ёшли ярим ҳимоячиси Максим Лопес Франция чемпионатининг декабрь ойидаги энг зўр футболчиси, деб эълон қилинди.
Бу совринни қўлга киритиш учун истеъдодли футболчи “Лион” етакчиси Матье Вальбуэна ва “Генгам” ҳужумчиси Жимми Брианни ортда қолдирди. Ўтган ойда Максим Лопес “Марсель” таркибида тўртта учрашувда майдонга тушиб, битта гол урди ва иккита голли пасга муаллифлик қилди.
Мавсум давомида эса Максим Лопес Франция чемпионатида 13 та учрашув ўтказган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар