Ёш теннисчимизнинг шашди баланд

Қозоғистонда Халқаро теннис федерацияси томонидан эркаклар ўртасида ўтказилаётган "Shymkent Open" мусобақасининг жуфтлик баҳсларида Сергей Фомин чорак финалга йўл олди.

 

Сергей мазкур йўналишда қозоғистонлик Достанбек Ташбулатов билан рус теннисчилари – Константин Кравчук ва Александр Павлюченковни 4:6, 6:3, 10-8 ҳисобида таслим қилди.

 

Энди улар чорак финалда ҳиндистонлик Сидҳарт Рават ҳамда Маниш Сурешкумарга қарши кортга чиқади.