Йовичнинг Италияга кетиш эҳтимоллари юқори

“Реал” Мадрид клуби форварди Лука Йович “Милан”нинг шорт-листида энг юқори ўринни эгаллаб турибди.

Италиялик журналист Николо Скиранинг ёзишича, “россонерилар” 22 ёшли сербиялик футболчини кейинчалик сотиб олиш ҳуқуқи билан 2 йилга ижарага олишмоқчи. Бироқ, Йовичнинг юқори маоши миланликларга бироз қимматлик қиляпти. Уларнинг фикрича йилига 5 млн евро бу жуда кўп. Лекин шунга қарамай, “Милан” бу борадаги музокараларни давом эттирмоқда.

“Реал” Йовични ўтган йилнинг ёзида “Айнтрахт”дан 60 млн евро эвазига сотиб олган эди. У жорий мавсум Ла Лигада 15 та ўйинда майдонга тушди ва ўз ҳисобига 2 та гол ҳамда 1 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)