Йовичнинг жароҳати жиддий бўлиб чиқмади

"Реал" Мадрид клуби ҳужумчиси Лука Йовичнинг жароҳати жиддий бўлиб чиқмади. Бу ҳақда El Chiringuito нашри хабар тарқатмоқда.

Юқоридаги манбаага кўра ўтказилган тиббий текширувлар 21 ёшли сербиялик футболчи жиддий жароҳат олмаганини тасдиқлаган.

Эслатиб ўтамиз, Йович куни кеча Евро-2020 саралашидан ўрин олган Португалияга (2:4) қарши ўйинда жароҳат олиб 87-дақиқада майдондан четлатилган эди.

Маълумот учун, “Реал” Йовични жорий ёз “Айнтрахт”дан 60 млн евро эвазига сотиб олган эди.