Юлдузлар иштирокидаги хайрия ўйинини “Setanta Sports”да кузатинг!

5 август куни Лондондаги “Стэмфорд Бриж” стадионида Украина учун ўтказиладиган футбол хайрия учрашуви ўтказилади ва мазкур баҳс трансляцияси “Setanta Sports”да намойиш этилади. Унда жаҳон футболининг амалдаги ва ўтмишдаги юлдузлари, бошқа машҳур инсонлар – актёр, ёзувчи, бошловчи ва бошқалар иштирок этишади. “Пахтакор” жамоасининг собиқ бош мураббийи, грузиялик Шота Арвеладзе ҳам мазкур хайрия ўйинида қатнашади. Унда Андрей Шевченко ва Александр Зинченко жамоалари тўқнаш келади.

Шевченко жамоасида Майкл Эссьен, Рикардо Карвалью, Лука Тони, Дида, Жермейн Дэфо, Жанфранко Зола, Карло Кудичини, Клод Макелеле, Уильям Галлас, Самуэль Этоо, Михайло Мудрик, Фабио Каннаваро, Кларенс Зеедорф, Массимо Оддо, Кристиан Пануччи, Жимми Флойд Хассельбайнк, Жо Коул, Сержиньо, Жулио Сезар каби футболчилар, шунингдек, Расселл Ховард, Жэймс Артур, Челси Граймс, Тохиб Жимо, Клэйр Рафферти ва Кэти Чапман каби жаҳонга машҳур санъат усталари ва ёзувчилар майдонга тушади.

Зинченко эса ўз жамоасига мураббий сифатида Арсен Венгерни таклиф этган. Йенс Леманн, Жолеон Лескотт, Патрик Бергер, Пер Мертесакер, Робер Пирес, Йон Арне Риисе, Давид Жеймс, Антонио Валенсия, Вес Морган, Жек Уилшир, Бакари Санья, Шота Арвеладзе, Чарли Адам, Марк Нобл, Гаэль Клиши, Мартин Шкртел, Евхен Коноплянка, Жерар Пике, Олег Лужник, Жильберто Сильва, Дарио Срна каби футболчилар ҳамда Фил Данстер, Роман Кемп, Марк Стронг каби машҳурлар Зинченко жамоасидан ўрин олган.

Жаҳон футболи ва бошқа соҳалардаги юлдузлар иштирокида “Стэмфорд Бриж”да ўтадиган беллашувни “Setanta Sports”да жонли эфирда томоша қилинг. Биз сизни юлдузларга янада яқинроқ қиламиз!