Юлдузларнинг кўз ёшлари (ФОТО)

Коронавирус эпидемияси туфайли юзага келган карантин вақтида ўқувчиларимиз учун қизиқарли маълумотларни беришда давом этамиз.

Жаҳон футболининг юлдузлари кўз ёшларини тийиб туролмаганини кўргансиз, албатта! Шу онларни B/R Football томонидан тақдим этилган суратлар орқали яна бир бор ёдингизга соламиз.

Европа Чемпионлар лигаси финалида жароҳат олиб, жамоасига ёрдам беролмаслигини билган Муҳаммад Салоҳнинг аччиқ кўз ёшлари!

ЖЧ-2018 йўлланмаси учун плей офф босқичида Италия терма жамоаси Швеция тўсинидан ўта олмади ва Жанлуижи Буффон сўнгги маротаба жаҳон чемпионатида ўйнаш орзусига эриша олмаганидан йиғлади.

2014 йилги жаҳон чемпионатининг ярим финал учрашуви кўпчиликнинг ёдидан ҳеч қачон чиқмаса кера. Йоахим Лёв шогирдлари мезбонларни 7:1 ҳисобида "қир тишлатган" ва ҳушчақчақ Давид Луизни ҳам кўзларидан ёш оққан.

Россия майдонлари мезбонлик қилган 2018 йилги мусобақада Испания плей-офф босқичида айнан, мезбонларга пенальтилар сериясида имкониятни бой бериб қўйганди. Мадрид клубининг ва терма жамоанинг сардори Серхио Рамос аламли мағлубиятдан кўз ёш қилганди.

2016 йилги Америка кубогининг финалида Аргентина терма жамоаси Чилига пенальтилар сериясида ютқазиб қўйди. 11 метрлик нуқтадан дарвозани нишонга ололмаган Лионель Месси аламда қолганди.

2004 йилги Европа чемпионатида ёш Криштиану Роналду финалда Грециядан қабул қилиб олинган мағлубиятдан сўнг, қаттиқ йиғлаганди. Эътиборли томони, мусобақанинг очилиш учрашувида ҳам греклар мезбонларни додини беришган ва якунда ҳам!

"Евро-2012" финалида Испания терма жамоаси Италияни йирик ҳисобда тор-мор келтирганди. Шу куни, беъзорилиги билан машҳур бўлган Марио Балотелли чемпионлик армонида "ёнганди".

2013/14 йилги Англия Премьер лигаси чемпионлигидан сўнг, кейинги мавсумдаги омадсизликдан "Ливерпуль"нинг ўша пайтдаги форварди Луис Суарес кўз ёш қилганди.

2014 йилги жаҳон чемпионатининг чорак финалида Бразилия терма жамоаси 2:0 ҳисобида Колумбияни мағлуб этаётган эди. Учрашувнинг 80-дақиқасида Хамес Родригес пенальтидан ҳисобни қисқартирган, аммо ўйин якунига қадар бошқа гол бўлмаган ва Хамес аламли мағлубиятни қабул қилиши қийин кечган.