Юрген Клопп қайси жамоани бошқариши маълум бўлди

“Ливерпуль”даги узоқ муддатли муваффақиятли фаолиятидан кейин бош мураббийликни топширган Юрген Клопп яна футболга қайтиши мумкин.

Гап шундаки, “Атлетико” клуби бош мураббий Диего Симеоне билан хайрлашишни режалаштирган. Агар аргентиналик мутахассис Мадридни тарк этадиган бўлса, клуб хўжайинлари жамоани германиялик мураббийга топширмоқчи.

Relevo нашрининг маълум қилишича, мадридликлар жамоа бош мураббийлигига Юрген Клопп ҳар томонлама мос тушади, деган фикрни илгари сурмоқда.

Юрген Клопп фаолияти давомида “Майнц”, “Боруссия Дортмунд” каби жамоаларни ҳам бошқарган. Айни пайтда бир неча жамоага эгалик қилувчи “Ред Булл” компаниясида футбол йўналишида раҳбарлик лавозимларидан бирида ишлаяпти.