"Ювентус" 30 миллион евро тўлашга тайёр турган 20 ёшли футболчи ким?

"Ювентус" клуби "Верона" ҳимоячиси Мараш Кумбулленинг хизматларига жиддий қизиқиш билдира бошлади. Бу ҳақда La Repubblica нашри хабар тарқатмоқда.

Юқоридаги манбага кўра, “кекса синьора” 20 ёшли албаниялик футболчи учун 30 миллион евро таклиф қилмоқчи. Бу борада туринликларга "Интер", "Лацио" ва "Фиорентина" клублари рақобат кўрсатиши мумкин.

Кумбулла жорий мавсум “Верона” сафида 11 та ўйинда майдонга тушди ва 1 та гол уришга эришди. Унинг шартномаси 2022 йилга қадар тузилган.