"Ювентус" АПЛ клубининг Йилдиз бўйича таклифини рад этди

Лондоннинг “Челси” клуби “Ювентус” аъзоси Кенан Йилдизга қизиқиш билдирди. Бу ҳақда "Teamtalk" нашри хабар берди.

Манбага кўра, “аристократлар” 20 ёшли турк вингери учун 66 миллион евро таклиф қилган, бироқ “кекса синьора” бу таклифни рад этган. Клуб ўзининг етакчи футболчисини қўйиб юбориш ниятида эмас. Йилдизнинг туринликлар билан амалдагӣ шартномаси 2029-йилнинг ёзигача мўлжалланган.

Маълумот учун, жорий мавсумда ҳужумкор ярим ҳимоячи клуб сафида 8 та ўйинда майдонга тушиб, 2 та гол ва 4 та голли узатма муаллифига айланган. "Transfermarkt" портали Кенаннинг бозор қийматини 50 миллион евро деб баҳолаган.