"Ювентус" Бернардескини сотиб олиш фикридан қайтмаётир

"Ювентус"  клуби "Фиорентина"дан Федерико Бернардески харид қилиш йўлларини қидиришда давом этмоқда.

Туринликлар футболчи учун биринчи – 40 миллион евролик (яна бонус 2 млн евро) таклифни юборишган, дея хабар беради Sky Sport нашри. Флоренцияликлар эса футболчини сотишга шошилмаяпти.

Футболчининг "Фиорентина" билан тузган шартномаси келаси йили якунига етади. Аввалроқ у клуб билан янги шартнома тузишдан бош тортган эди.