"Ювентус" бу жабҳада ҳам биринчи бўлди

Италия футбол федерацияси клубларнинг 2019 йилда агентларга тўлаган маблағи бўйича ҳисоботни эълон қилди.

Унга кўра, А Серия жамоалари ўтган йили умумий ҳисобда 187 851  487,86 еврони футбол агентларига тўлаб беришган. Бу ундан олдинги йилдаги кўрсаткичдан 16,3 млн еврога кўп демакдир. Қайд этиш жоиз, худди шу вақт оралиғида футболчилар ўз агентларига 13,6 млн евро тўлаган.

Буни клублар кесимида кўрадиган бўлсак, "Ювентус" агентларга пул тўлаш борасида ҳотамтой эканлигини кўриш мумкин. Туринликлар ўтган йили нақд 44,3 млн еврони агентларни рози қилиш учун сарфлаган бўлса, "Интер" (31,8 млн евро), "Рома" (23,2 млн евро) ва "Милан" (19,6 млн евро) мос равишда ундан кейинги ўринни эгаллади.