“Ювентус” “Челси” етакчиси билан шартнома имзолаши мумкин

"Челси" ярим ҳимоячиси Жоржиньо трансфер ойнаси якунига қадар "Ювентус" билан шартнома имзолаши мумкин.

Журналист Адам Ньюсоннинг хабарига кўра, “кўклар” футболчини сотишга рози. Фақат унгача клуб янги ярим ҳимоячи сотиб олиши керак бўлади. Лондон клуби бир неча ҳафтадан буён "Барселона" аъзоси Френки де Йонг борасида музокара олиб бормоқда.

Жоржиньонинг "Челси" билан шартномаси тугашига бор-йўғи бир йил қолди, шунинг учун клуб италияликни арзонроққа бўлса-да, сотмоқчи.

Аввалроқ, Жоржиньо "Челси"га Англия Премьер лигасининг биринчи тури доирасидаги "Гудисон Парк"да кечган "Эвертон"га қарши ўйинда ғалаба голини киритган эди.