"Ювентус" "Челси"нинг таклифини рад қилди

Айни пайтда "Ювентус" ва "Челси" ҳужумчиларини алмаштириш борасида музокаралар ўтказмоқда. "Аристократлар" Турин клубига Лукакуга 20 миллион евро қўшиб бермоқчи эди. Аммо Италияликлар бу таклифни рад қилди, дея хабар бермоқда инсайдер Никола Скира. 

Журналистнинг сўзларига кўра, "Ювентус" кўпроқ пул истамоқда. Агарда "Челси" ўз таклифини яхшиласа, Душан Лондонга йўл олишга тайёр. Унинг ўзи ҳам Почеттино қўл остида тўп тепишни истайди. 

Аввалроқ, Лукакуга Саудия Арабистонидан қизиқишлар борлиги ҳақда миш-мишлар бор эди. Уни "Интер" ҳам сотиб олмоқчи бўлганди. Аммо "Челси" билан келиша олмади.